വാഴപ്പഴം വളഞ്ഞിരിക്കുന്നതിന് കാരണം; കൗതുകകരമായ ശാസ്ത്രം അറിയണ്ടേ

ലോകമെമ്പാടുമുള്ള ഏറ്റവും അറിയപ്പെടുന്നതും ജനപ്രിയവുമായ പഴങ്ങളില്‍ ഒന്നായ വാഴപ്പഴത്തിന് ആകര്‍ഷകമായ ഒരു ചരിത്രമുണ്ട്. ആയിരക്കണക്കിന് വര്‍ഷങ്ങള്‍ക്ക് മുന്‍പ് തെക്കുകിഴക്കന്‍ ഏഷ്യ, പസഫിക് മേഖല എന്നിവിടങ്ങളില്‍ നിന്നാണ് ഈ ഉഷ്ണമേഖലാ പഴം ആദ്യം വരുന്നത്. കാലക്രമേണ, വാഴപ്പഴം ആഫ്രിക്കയിലേക്കും ഒടുവില്‍ മധ്യ, തെക്കേ അമേരിക്കയിലേക്കും വ്യാപാര മാര്‍ഗങ്ങളിലൂടെ എത്തപ്പെടുകയായിരുന്നു.

സസ്യശാസ്ത്രപരമായി ഒരു ബെറിയായ ഈ പഴം അതിന്റെ രുചി, ആരോഗ്യ ഗുണങ്ങള്‍, വൈവിധ്യം എന്നിവ കാരണം ലോകമെമ്പാടുമുള്ള അടുക്കളകളില്‍ സ്ഥാനം പിടിച്ചിരിക്കുന്നു. വാഴപ്പഴം ഒരു രുചികരമായ ലഘുഭക്ഷണം മാത്രമല്ല പല പാചക പാരമ്പര്യങ്ങളുടെയും ഒരു പ്രധാന ഭാഗമാണ്. കൂടാതെ ഇത് പല ഉഷ്ണമേഖലാ രാജ്യങ്ങളിലെ കാര്‍ഷിക വ്യവസായത്തില്‍ ഒരു പ്രധാന പങ്കും വഹിക്കുന്നു.

ഏത് പഴങ്ങള്‍ എടുത്ത് നോക്കിയാലും ആപ്പിള്‍, പേരക്ക, ഓറഞ്ച് തുടങ്ങിയവയൊക്കെ വൃത്താകൃതിയിലും വാഴപ്പഴം എപ്പോഴും വളഞ്ഞും ഇരിക്കുന്നത് ശ്രദ്ധിച്ചിട്ടുണ്ടോ?. ഇത് എന്തുകൊണ്ടാണെന്ന് അറിയാമോ?. വാഴയ്ക്ക ഉണ്ടായി വരുന്ന സമയത്ത് മറ്റ് പഴങ്ങളെപോലെ നിലത്തേക്കുള്ള പൊസിഷനില്‍ വളരുന്നു. പിന്നീട് അവയ്ക്ക് മുകളിലേക്ക് ഒരു വളവ് ഉണ്ടാകുന്നു. ഇത് എങ്ങനെയാണ് സംഭവിക്കുന്നതെന്നുള്ളത് രസകരമായ കാര്യമാണ്.

സാധാരണയായി മിക്ക സസ്യങ്ങളുടെയും ഫലങ്ങളും വേരുകളും ഭൂമിയുടെ ഗുരുത്വാകര്‍ഷണ ബലം മൂലം താഴേക്ക് വളരുന്നു. ഈ സാധാരണ പ്രതിഭാസത്തെ ശാസ്ത്രലോകം പോസിറ്റീവ് ജിയോട്രോപിസം എന്ന് വിളിക്കുന്നു.

ഗുരുത്വാകര്‍ഷണബലവും വളര്‍ച്ചയുടെ ദിശയും തമ്മിലുള്ള പ്രതിപ്രവര്‍ത്തനത്തിന്റെ ഫലമാണ് വാഴപ്പഴത്തിന്റെ സ്വഭാവിക വളവ്. ഗുരുത്വാകര്‍ഷണബലത്തെ തുടര്‍ന്ന് വാഴപ്പഴം തുടക്കത്തില്‍ താഴേക്ക് വളരുമ്പോള്‍, കാലക്രമേണ അവയുടെ വളര്‍ച്ചയുടെ ദിശ മാറുന്നു.

വാഴപ്പഴം സൂര്യപ്രകാശത്തിലേക്ക് വളരുന്നതിനാലാണ് ഈ മുകളിലേക്കുളള വളര്‍ച്ച സംഭവിക്കുന്നത്. വെളിച്ചം വാഴയുടെ മുകള്‍ഭാഗത്ത് അതിന്റെ വളര്‍ച്ചയെ ഉത്തേജിപ്പിക്കുകയും അത് നിലത്തുനിന്ന് വളയുകയും ചെയ്യുന്നു. അങ്ങനെ ഗുരുത്വാകര്‍ഷണം പരോക്ഷമായി വാഴപ്പഴത്തിന്റെ സാധാരണ വളഞ്ഞ ആകൃതിക്ക് കാരണമാകുന്നു.

ഗുരുത്വാകര്‍ഷണബലവും വളര്‍ച്ചയുടെ ദിശയും തമ്മിലുള്ള പ്രതിപ്രവര്‍ത്തനത്തിന്റെ ഫലമാണ് വാഴപ്പഴത്തിന്റെ സ്വാഭാവിക വളവ്. ഗുരുത്വാകര്‍ഷണബലത്തെ തുടര്‍ന്ന് വാഴപ്പഴം തുടക്കത്തില്‍ താഴേക്ക് വളരുമ്പോള്‍ കാലക്രമേണ അവയുടെ വളര്‍ച്ചയുടെ ദിശ മാറുന്നു.

Content Highlights : The shape of a banana is always curved. There is an interesting scientific reason behind this.